CHIZMACHILIK FANIDAN MUSTAQIL TA’LIMDA RAQAMLI TEXNOLOGIYALAR ORQALI O‘QUVCHI MOTIVATSIYASINI OSHIRISH USULLARI

Abstract

 Mazkur maqolada chizmachilik fanida mustaqil ta’lim jarayonini tashkil etishda raqamli texnologiyalardan foydalanishning afzalliklari va imkoniyatlari keng yoritilgan. O‘quvchilar motivatsiyasini oshirishda zamonaviy axborot texnologiyalari, onlayn ta’lim resurslari, interaktiv dasturlar va CAD tizimlarining samaradorligi tahlil qilingan. Mustaqil ta’lim o‘quvchilar uchun nafaqat o‘quv topshiriqlarini bajarish vositasi, balki ijodiy fikrlashni rivojlantirish, texnik tafakkurni shakllantirish hamda kasbiy tayyorgarlikni oshirishning muhim yo‘li sifatida qaraladi. Tadqiqot natijalari shuni ko‘rsatadiki, raqamli texnologiyalardan foydalanish o‘quvchilarning bilim olish jarayoniga bo‘lgan qiziqishi va motivatsiyasini an’anaviy usullarga nisbatan 30–40 foizga oshiradi. Shuningdek, maqolada raqamli vositalar yordamida samarali mustaqil ta’limni tashkil etish bo‘yicha metodik takliflar ham ishlab chiqilgan.