TABIIY SEOLITLARDAN FOYDALANIB OLINUVChI KOMPOZITSION BOG‘LOVChILAR

Abstract

Ushbu maqolada tabiiy seolitlarning fizik-kimyoviy xususiyatlari va ularning qurilish materiallari sanoatidagi qo‘llanilish imkoniyatlari tahlil qilindi. Seolitlarning ion-almashinish qobiliyati, adsorbsion xususiyati va ekologik xavfsizligi ularni kompozitsion bog‘lovchilar ishlab chiqarishda istiqbolli material sifatida ko‘rsatadi. Tadqiqotlar natijasida aniqlanishicha, tsement tarkibiga seolit qo‘shilishi betonning mustahkamligi va suvga chidamliligini sezilarli darajada oshiradi, sovuqqa bardoshliligini kuchaytiradi. Shuningdek, seolitlardan foydalanish ishlab chiqarish xarajatlarini kamaytiradi va ekologik muvozanatni saqlashga yordam beradi. Shu boisdan, tabiiy seolitlardan foydalanib olinuvchi kompozitsion bog‘lovchilar qurilish materiallari ishlab chiqarishda zamonaviy va samarali yechim hisoblanadi.