YO‘L-TRANSPORT SHOVQINIDAN IJTIMOIY INFRATUZILMA OBYEKTLARINI HIMOYA QILISH

Abstract

Mazkur maqolada yo‘l-transport shovqini shahar infratuzilmasiga, ayniqsa ta’lim, tibbiyot va ijtimoiy xizmat obyektlariga ko‘rsatadigan salbiy ta’siri tahlil qilinadi. Shovqin inson salomatligi, psixologik holati hamda ta’lim samaradorligiga kuchli ta’sir ko‘rsatadi. Tadqiqotda shovqinga qarshi choralar - yashil hududlar barpo etish, transport oqimini optimallashtirish va zamonaviy qurilish materiallaridan foydalanishning samaradorligi ko‘rsatib berilgan. Xalqaro tajriba va mahalliy sharoitlar taqqoslab o‘rganilgan holda, O‘zbekiston sharoitida yo‘l-transport shovqinini kamaytirishning eng maqbul usullari asoslab berilgan. Natijalar shuni ko‘rsatadiki, kompleks yondashuv orqali ijtimoiy obyektlarni shovqindan himoya qilish mumkin va bu aholining turmush sifatini yaxshilashga xizmat qiladi.