O‘ZBEK TILIDA ZAMON FUNKTSIONAL-SEMANTIK MAYDONI

Abstract

An’anaviy o‘zbek tilshunosligi o‘z xulosalarini rus lingvistik maktablari andozalariga asoslaydi. O‘zbek tilidagi zamon kategoriyasi rus tilining время глагола morfologik kategoriyasiga teng ko‘riladi. Ta’kidlash joizki, rus va o‘zbek tillarining zamon kategoriyasi struktur simmetriyaga ega. Har ikki tilda ham affiksal o‘zgarishlar o‘tgan va hozirgi zamonni hosil qiladi. O‘zbek tilida hozirgi zamon shakli kelasi zamonga shakldosh, ularning ma’nosi faqat nutq kontekstida anglashiladi. Rus tilida esa быт fe’lining kelasi zamon shakli ushbu ma’noni anglatishga xizmat qiladi. Shu asnoda o‘zbek va ingliz an’anaviy tilshunosligi zamon ma’nosi tadqiqini ayni nomdagi morfologik kategoriya doirasida chegaralaydi.