ICHIMLIK NOMLARINING ETNOLINGVISTIK IFODALANISHI

Abstract

Etnolingvistika nisbatan yangi fan bo‘lib, ba’zida yangi gumanitar bilim sohalarida sodir bo‘lgani kabi uning predmeti va qamrov doirasi hanuz aniq belgilanmagan, ya’ni voqelikning qanday elementlarini o‘rganishi mavhumligicha qolmoqda. Shu ma’noda aytish mumkinki, etnolingvistika – bu tutashuvdagi fan. So‘nggi o‘n yilliklarda bilimning bunday chegaraviy sohalari ko‘plab paydo bo‘ldi, “tutashuvdagi fanlar”ning yuzaga kelishi hozirgi zamon fanining ham gumanitar, ham tabiiy fanlariga xos xususiyatdir. Etnolingvistika xalq hayotining ruhiy, madaniy, etnik xususiyatlari va ularning tilda aks etishini o‘rganuvchi tilshunoslik yo‘nalishi hisoblanadi.