QORAQALPOGʻISTONDAGI OʻZBEK SHEVALARINING RIVOJLANISHIDA ETNIK VA MAISHIY OMILLAR TAʼSIRI

Abstract

Ushbu maqola Qoraqalpogʻistondagi oʻzbek shevalarining taraqqiyoti va rivojlanishida etnik va maishiy omillar hamda shunga bogʻliq jihatlarning taʼsiri masalasiga bagʻishlangan. Qoraqalpogʻiston hududidagi oʻzbek shevalarining oʻziga xosligi, ularning boshqa shevalar bilan oʻzaro aloqalari toʻgʻrisida oʻtkazilgan taqdqiqotlar negizida toʻplangan maʼlumotlar toʻgʻrisida fikrlar bildirilgan. Maʼlumotlar asosida oʻzbek shevalarining fonetik, leksik va grammatik xususiyatlari hududlar miqyosida qiyosan oʻrganilgan. Qoraqalpogʻistondagi oʻzbek shevalarining rivojlanishida etnik omillarning taʼsiri metodologiyasi va oʻrganish usullari xususida tavsiyalar berib oʻtilgan. Xalqning etnik turmush tarzidan kelib chiqqan holda shevalar rivojiga salbiy taʼsir qiluvchi omillarni bartaraf etish boʻyicha tavsiyalar berilgan.