GEMMORAGIK DIATEZ: ETIOLOGIYASI, PATOGENEZI, KLASSIFIKATSIYASI VA KLINIK-DIAGNOSTIK YONDASHUVLAR

Abstract

Gemmoragik diatez organizmda qon ketishga nisbatan patologik moyillik bilan namoyon bo‘ladigan holatlar majmui bo‘lib, u gemostaz tizimining normal faoliyati buzilishi natijasida yuzaga keladi. Ushbu tushuncha klinik amaliyotda mustaqil kasallik sifatida emas, balki turli nozologik birliklar fonida rivojlanadigan murakkab sindrom sifatida talqin qilinadi. Gemmoragik diatezlar gematologiya, ichki kasalliklar, pediatriya, akusherlik-ginekologiya, jarrohlik va intensiv terapiya sohalarida alohida ahamiyatga ega bo‘lib, ular diagnostika va davolash jarayonida shifokordan gemostaz tizimi haqidagi chuqur bilimlarni talab etadi. Statistik ma’lumotlarga ko‘ra, qon ketish bilan kechuvchi holatlarning muhim qismi aynan gemmoragik diatezlar bilan bog‘liq bo‘lib, ular o‘z vaqtida aniqlanmasa, og‘ir gemorragik asoratlar, anemiya va hayot uchun xavfli holatlarga olib kelishi mumkin.