Bo‘lajak o‘qituvchilarning ma’naviy-axloqiy qarashlarini falsafiy kategoriyalar asosida shakllantirishda aksiologik yondashuvlar

Abstract

Mazkur tezisda bo‘lajak o‘qituvchilarning ma’naviy-axloqiy qarashlarini shakllantirish jarayonida falsafiy kategoriyalar asosida aksiologik yondashuvlarning nazariy-metodologik ahamiyati tahlil etiladi. Aksiologik yondashuv ta’lim jarayonida shaxsning qadriyatlar tizimini shakllantirish, ezgulik va yovuzlik, burch va mas’uliyat, erkinlik va zarurat kabi falsafiy kategoriyalarni ongli ravishda o‘zlashtirish orqali bo‘lajak o‘qituvchining ma’naviy-axloqiy pozitsiyasini mustahkamlashga xizmat qilishi asoslab beriladi. Tadqiqotda ma’naviy-axloqiy qarashlarning kasbiy faoliyat bilan uzviy bog‘liqligi, pedagog shaxsining qadriyatli yo‘nalganligi ta’lim samaradorligini oshirish omili sifatida yoritiladi. Shuningdek, aksiologik yondashuv asosida ta’lim-tarbiya jarayonini tashkil etish bo‘lajak o‘qituvchilarda ijtimoiy mas’uliyat, kasbiy burch, vatanparvarlik va insonparvarlik kabi muhim sifatlarni shakllantirishga xizmat qilishi ilmiy jihatdan asoslanadi.