G’ishtning issiqlik o’tkazuvchanligi.

Abstract

Ushbu ishda pishiq g‘ishtning issiqlik-texnik va mexanik xususiyatlariga romb shaklida teshiklar ochishning ta’siri o‘rganilgan. Tadqiqotda teshiksiz (to‘liq) pishiq g‘isht hamda romb shaklli kovaklarga ega g‘ishtlarning issiqlik o‘tkazuvchanligi, mustahkamligi, og‘irligi va ekspluatatsion xususiyatlari solishtirilgan. Natijalar shuni ko‘rsatadiki, romb shaklli teshiklar g‘ishtning issiqlik o‘tkazuvchanligini kamaytirib, issiqlik saqlash qobiliyatini oshiradi hamda konstruksiya og‘irligini sezilarli darajada yengillashtiradi. Shu bilan birga, mustahkamlik ko‘rsatkichlarida ma’lum darajada pasayish kuzatiladi, biroq romb shaklining yuklarni samarali taqsimlashi hisobiga g‘ishtning qurilishda qo‘llanish imkoniyati saqlanib qoladi. Tadqiqot natijalari energiya tejamkor va iqtisodiy jihatdan samarali devor materiallarini ishlab chiqishda amaliy ahamiyatga ega