Gender tengligining konstitutsiyaviy asoslari

Abstract

Mazkur maqolada gender tengligining xalqaro va konstitutsiyaviy asoslari, ularning huquqiy va ijtimoiy mazmuni tahlil qilinadi. Unda O‘zbekiston Respublikasining Konstitutsiyasida ayollar va erkaklar uchun teng huquq hamda imkoniyatlarni ta’minlashga oid normalar ko‘rib chiqiladi. Shuningdek, gender siyosatini amalga oshirishda xalqaro huquqiy hujjatlarning, xususan, “Ayollar kamsitilishining barcha shakllariga barham berish to‘g‘risida”gi konvensiyasining ahamiyati yoritiladi. Maqolada konstitutsiyaviy normalarni amaliyotga tatbiq etish mexanizmlari, ularning davlat siyosati va fuqarolik jamiyati institutlari faoliyatidagi o‘rni tahlil etilgan. Tadqiqot natijasida gender tengligining mustahkam konstitutsiyaviy asoslari jamiyatda adolat, demokratiya va inson huquqlarini ta’minlashning muhim omili ekanligi isbotlangan.