ISLOM TA’LIMOTIDA TABIATNI ASRASH VA UNING TURIZM SOHASIGA TA’SIRI

Abstract

Ekologik barqarorlik zamonaviy turizm sohasi rivojining asosiy tamoyillaridan biri bo‘lib, u tabiiy muhitning yaxshi saqlanishi, turistlar oqimi oshishi va turizm infratuzilmasining yanada yuksak samaradorligiga bevosita ta’sir ko‘rsatadi. Shu jihatdan diniy qadriyatlar asosida shakllangan ekologik ong turizm sohasida barqarorlikni ta’minlashda muhim ahamiyat kasb etadi. Sohaning ekoturizm va ziyorat turizmi kabi yo‘nalishlari aynan ekologik tozalikka va muhitning saqlanishiga tayanadi. Insoniyatning tabiatga nisbatan mas’uliyatli munosabati jamiyatda ekologik muvozanat muhofazasini mustahkamlash bilan birga turizm resurslaridan samarali foydalanish imkoniyatini yaratadi. Diniy-axloqiy qadriyatlarning ustuvorligi esa ekologik muammolarni kamaytirish va barqaror rivojlanishni ta’minlashda muhim omil sifatida namoyon bo‘ladi. Shuning uchun ham, ekologik madaniyatni diniy qadriyatlarimiz asosida rivojlantirish, turizmning istiqbolli va raqobatbardosh soha sifatida shakllanishiga xizmat qiladi.