Raqamli moliyaviy texnologiyalar (fintech) rivojlanishining o‘zbekiston iqtisodiyotiga ta’siri va moliyaviy barqarorlikni ta’minlashdagi roli.

Abstract

Ushbu maqolada hozirgi kunda jadal rivojlanib borayotgan raqamli moliyaviy texnologiyalar va ularning O`zbekiston iqtisodiyotiga sezilarli ta`siri hamda barqaror moliyaviy rivojlanishni ta`minlashdagi roli haqida ko`rib chiqiladi. Shu bilan birgalikda, O‘zbekistonda raqamli moliyaviy texnologiyalar (Fintech) tizimining shakllanishi, rivojlanish bosqichlari hamda ularning mamlakat iqtisodiy o‘sishiga va moliyaviy barqarorlikni ta’minlashga ko‘rsatgan ta’siri tahlil qilinadi. Shuningdek, fintech ekotizimining rivojida davlat siyosati, tijorat banklari va xususiy startaplarning o‘rni va istiqbollari ham ko‘zda tutiladi. Tadqiqot davomida tizimli, analitik, taqqoslash, sintez va statistik tahlil metodlaridan foydalaniladi. Markaziy bankning yillik hisobotlari,“Raqamli O‘zbekiston – 2030” strategiyasi, hamda UzDaily kabi ishonchli manbalar tahlil qilinadi. Mamlakatda moliyaviy texnologiyalarni joriy etish holati, to‘lov tizimlarining rivojlanish yo‘nalishlari va ularning iqtisodiy muhitga ta’siri empirik asosda o‘rganiladi.