Milliy o‘zlikni anglash va munavvarqori: tarixiy izlanishlar

Abstract

Ushbu maqolada jadidchilik harakatining yetuk namoyandasi, ma’rifatparvar ziyoli Munavvarqori Abdurashidxonovning hayoti va faoliyati tarixiy manbalar asosida tahlil qilingan. Muallif Munavvarqorining jadid maktablarini tashkil etishdagi tashabbuslari, ta’lim tizimini isloh etishdagi xizmatlari, o‘zbek matbuoti, darsliklar yaratish va milliy ongni shakllantirishdagi o‘rni haqida batafsil ma’lumot beradi. Maqolada shuningdek, uning Turkiston Xalq dorilfununining tashkil topishiga qo‘shgan hissasi, ilm-fan va madaniyat rivoji yo‘lidagi fidoyiligi, shuningdek, siyosiy kurashlardagi qat’iy pozitsiyasi yoritilgan. Sho‘ro davridagi qatag‘onlar natijasida Munavvarqorining taqdiri fojiali yakun topgani, ammo uning orzulari mustaqillik yillarida ro‘yobga chiqqani tahlil etiladi.

Tadqiqot natijalariga ko‘ra, Munavvarqori Abdurashidxonov millatning ma’naviy uyg‘onishida asosiy harakatlantiruvchi kuchlardan biri sifatida tarixda muhim o‘rin tutadi. Maqola o‘zbek milliy tafakkurining shakllanish jarayonini o‘rganishda, jadidchilik tarixini tahlil qilishda muhim manba vazifasini bajaradi.