Inson organizmida suyukliklarning qovushqoqligi

Abstract

Inson organizmida suyuqliklarning qovushqoqligi fiziologik jarayonlarning barqarorligi va organizmning normal faoliyatini ta’minlashda muhim ahamiyatga ega. Qon, limfa va hujayralararo suyuqliklarning qovushqoqlik darajasi gaz almashinuvi, oziq moddalarning tashilishi, issiqlik almashinuvi hamda gemodinamik jarayonlarni boshqarishda asosiy ko‘rsatkichlardan biri hisoblanadi. Qovushqoqlikning o‘zgarishi turli patologik holatlarning — yurak-qon tomir kasalliklari, qandli diabet, yallig‘lanish jarayonlari va suvsizlanish kabi kasalliklarning rivojlanishida hal qiluvchi rol o‘ynaydi. Ushbu maqolada suyuqliklarning reologik xususiyatlari, ularni baholash usullari, xalqaro ilmiy tadqiqotlar hamda klinik amaliyotdagi qo‘llanishi tahlil qilingan. Shuningdek, qovushqoqlikni nazorat qilish orqali kasalliklarning oldini olish va davolashning samarali yo‘llari ko‘rsatib o‘tilgan.