XALQ OG‘ZAKI IJODI YORDAMIDA O‘QUVCHILARNING INGLIZ TILIDA O‘QISH KO‘NIKMASINI RIVOJLANTIRISH.

Abstract

     Xalq og‘zaki ijodi, jumladan, maqollar, topishmoqlar hamda ertaklar o‘quvchilarda o‘qish qobiliyatini rivojlantirishda muhim ahamiyatga ega. Xalq og‘zaki ijodi o‘quvchilarni darslarga qiziqtirish va ularning o‘qishni tushunish ko‘nikmalarini rivojlantirishning samarali usuli bo‘lishi mumkin. Ammo shuni ta'kidlash kerakki, xalq og‘zaki ijodini ta’limda qo‘llashning samaradorligi, uni o‘quvchilarning madaniy va ijtimoiy ehtiyojlariga mos ravishda, malakali o‘qituvchilar tomonidan taqdim etilishiga bog‘liqdir. O‘qituvchi o‘quvchining ehtiyojlarini qamrab olgan va ularning yosh xususiyatlariga mos materiallarni tanlashda e’tiborli bo‘lishi zarur. Ushbu maqolada yuqorida belgilaangan maqsadlarga mos keladigan bir nechta metodlar to‘g‘risida ma’lumot keltiriladi.

Metodlar aniqlash borasida bir qancha muvofiq variantlar o‘rganildi va tadqiqot metodikasi (namunalarni to‘plash, tahlil qilish va loyihalash) tanlandi. Tadqiqotda xalq og‘zaki ijodining o‘quvchilar o‘qish qobiliyatini oshirishda tutgan o‘rni va  ahamiyatini o‘rganish, uning ta’lim jarayonida samarali qo‘llanilishi bo‘yicha metodlar tavsiya etildi. Ushbu metodlar o‘quvchining madaniy va ijtimoiy ehtiyojlariga mos ravishda tanlanib, o‘qituvchi tomonidan samarali tarzda qo‘llanilishi uchun yo‘l-yo‘riqlarni belgilaydi.