TA’LIM JARAYONI QONUNIYATLARI VA TAMOYILLARI

Abstract

Ushbu maqolada ta’lim jarayonining nazariy-metodologik asoslari, uning mohiyati va rivojlanishiga ta’sir etuvchi asosiy qonuniyatlar hamda didaktik tamoyillar tizimli ravishda tahlil qilinadi. Ta’lim jarayonining ichki mantiqiy tuzilishi, pedagogik ta’sir va o‘quv faoliyati o‘zaro bog‘liqligi, shuningdek, shaxs rivoji va ijtimoiy tajriba o‘rtasidagi uzviy aloqadorlik ilmiy manbalar asosida yoritilgan. Maqolada ta’lim jarayoniga xos obyektiv qonuniyatlar – ta’limning ijtimoiy shartlanganligi, motivatsiya va faoliyat birligi, o‘quvchi shaxsining yosh-g‘oyaviy rivojlanishiga moslik, bilimlarning izchilligi va uzluksizligi kabi omillar chuqur tahlil qilingan. Shuningdek, didaktikaning asosiy tamoyillari: ilmiylik, tizimlilik, izchillik, ongli va faollik, ko‘rgazmalilik, individuallashtirish va differensiallash kabi prinsiplarga zamonaviy pedagogik qarashlar nuqtai nazaridan yondashilgan. Tadqiqot natijalari ta’lim jarayonini takomillashtirish, o‘quvchi shaxsini har tomonlama rivojlantirish va ta’lim samaradorligini oshirishga qaratilgan ilmiy-amaliy xulosalar bilan boyitilgan.